睇完 '十分愛', 突然間諗起要張我舊年既呢一個post, 搬過黎新blog呢度.
====================================================
10 December
架勢堂
星期三晚架勢堂, 話星期五晚yes or no 環節想請做過姊妹&伴娘既人上去傾下計.
即刻打電話上去登記啦.
星期四, 阿金call back番我. 話confirm我可以上去.
最好笑係, 佢話叫我去到同保安人員講: 我係架勢堂既嘉賓
嘩.... 嘉賓?! 我係?!?! 
其實我上去, 唔係想開咪講野.
只係想搵下機會見下森美小儀. 
星期五全日都好緊張. 因為唔知講咩好.
仲有..... 因為要幫大哥拎簽名. 所以..... 我要去信和度買佢地既相片.
唉..... 真係樣衰呀. 入到去信和, 見到會去買相既女仔.
個個都係著住校服.
仲有... 我入到去係唔係可以即刻搵到佢地d相. 同埋唔係間間賣相既都有佢地既相片.
我係要問: 請問有冇森美小儀既相片呀.
諗諗下, 真係十年冇做呢d野.
以前讀中學, 都會去買相. 真係十年冇買過明星相呀.
最慘係...... 買唔到lor.
最後係買左一本milk, book b 有曬佢地做封面架.
10:00pm去到商台.
係豪子黎同我地點名. 
仲有俾左三條問題俾我地準備.
等左好耐..... 到11:00pm. 終於有得入去直播室喇.
森美小儀兩個.... 原來病緊呀. 
一去廣告, 佢地兩個就謝曬. 一on air. 即刻要好精神.
如果唔係見到佢地咁樣. 只係聽住收音機. 真係聽唔出佢地係病架.
真係好佩服佢地. 雖然我好中意講野. 但係如果係我病左, 我真係唔想講野.
我地total有9個女仔, 其中有幾個. 好嘈.
一入去就問森美有冇叱吒飛. 又問有冇利是.
痴線架. 做乜同森美扮熟呀. 人地病, 你地仲咁嘈既.
本身諗住我會拎埋本book b 入直播室架. 但係唔記得左.
好彩咋. 錯有錯著. 你o係出面呢住本書. 問左陳強同細so同埋兩個operator: 阿金同豪子拎簽名.
真係開心喇. 最後做完節目, 落番去大堂度. 同佢地影相.
森美大哥真係好高, 佢高我有個半頭. 我諗佢都慣左影相係要彎低身. 張張相佢都會咁做.
另外, 小儀真係比較矮. 我高佢半個頭.
12:30 離開商台. 1:30 就返到屋企喇. 都好快.
下次有機會要再上先. 
PS: 發現聽自己把聲, 好唔同. 不過, o係電台把聲, 同配音把聲. 又有d似. haha....
留言列表
