itest4的部落格

話說上星期四同班朋友去重慶大廈食飯喎.
hm...... 我以後都唔會再去呢度lor. 因為真係好得人既.

其中一個朋友話佢有朋友話 '咖哩皇'好食 ...... 但係我地發現. 每一間都稱自己做 '咖哩皇'.
咁...... 即係邊間呀?! 點解好似d報紙咁. 每一份都話自己係銷售第一既?!

我地揀緊去邊間食既時候, 好多印度人o係度拉客.
佢地拉客既 '熱誠', 講真我就有d驚.
但係最恐怖既唔係佢地. 係o個三個警衛. 佢地都係本地人.

右邊o個個警衛: 你地揀好先入黎呀嘛... 呢度好恐怖架.
前邊o個個警衛: 點呀點呀?! 你地揀定未?! 揀定就唔好轉喇.

呢兩個人既說話揀到我好驚. 都唔知自己去左d咩地方.

咁之後去搭 升降機喎. 呢個警衛仲得人驚.
話說有兩部升降機 既. 我地排o係左面o個部.
咁右面o個部呢. 有幾個大碼人陸續咁入去. 點知超重.
咁個警衛就對住最後入去o個個大碼女人話: 出黎啦. pk. xyz@uiy#$uy@#u$iy!#
駛唔駛咁惡呀?! 超重o者.
點知尾二入去o個個人, 好似hold住左度門. 搞到閂唔到門.
咁個警衛又話: 放手啦.  xyz@uiy#$uy@#u$iy!#

真係一額汗呀.
到我地呢部可以入. 咁有個男人想出又唔出咁. o個個警衛又用粗口鬧佢.
我估佢放工會俾d黑人圍嘔呀.

不過之後呢. 我地部升降機最後有個行動唔係好方便既大叔入左黎. 但係佢一入黎就超重.
咁個警衛就對住我地話: 搵個後生既出黎, 俾個大叔上左去先啦.
咁我地就出左黎. 俾佢入左去先喇.

唉...... 點都唔會再入去呢度.