上星期六臨時拉夫去左幫手坐reception. 10:00就要出到去將軍澳一間中學度幫手做set up.
所以. 我地7:45 已經 落左去M記食左個好豐富既早餐.
之後我坐西鐵, 再轉地鐵出去將軍澳. 真係唔好講笑. 雖然. 車程都大約只係1個鐘頭15分鐘. 但係轉車轉到我暈. o係美孚轉地鐵荃灣線, 去到太子再轉觀塘線. 再去到調景嶺轉將軍澳線. 好彩唔係繁忙時間.
好耐冇入中學喇. 間校舍新得好緊要. 設施都好好. 千禧學校真係唔同d. 望住個籃球場. 再望下個禮堂. 真係好懷念以前讀書既日子呀. 無憂無慮. 就算e+再進修. 感覺同以前都唔一樣. ha. 我估, 好多人都會好似我咁. 讀書o個陣想快d出黎做野. 到e+ 有份工作喇. 又想返去以前讀書既年代.
(左上及右下) 令人懷念既禮堂. 不過我間中學d chair 冇咁靚
(右上) 學校入面有個咁樣既景物. 真係好靚. 好搞笑. 呢個景物係有一男一女拎住把遮架嘛. 我地出去食lunch o個陣. 呢對男女行開左. (係俾拆左) 到我地食完lunch番黎. 佢地又企番o係度. 我地就話佢地早過我地出去食lunch lor
(左下) 以前又係成日o係中學既籃球場度睇人地打波. 又有好多回憶. (當然, 我o個個籃球場. 冇呢個咁靚啦)
參加rap concert既大約有20間學校. 睇佢地彩排. 真係睇到好多野. 有d已經係好認真. 有d就唔知做緊乜野咁. 到左正式表演. 好多都做得好好. 不過有d真係...... 聽唔到佢rap緊乜野.
佢地請左幾個表演嘉賓. 有一個叫做Ghost Style, 係d 地下既rapper. 另外有一隊跳HIP HOP 既人. hm... 我估我已經同d o靚你脫左節. 我... 真係唔係好知邊個係ghost style. 但係d學生... 個個都識唱佢既歌. 可以跟住一齊rap 架.
呢個就係Ghost style. 佢唱最後一首歌o個陣. d學生真係好似d瘋狂粉絲咁. 走曬去台前.
我本身坐o係第二行. 都俾佢地遮住曬. 我唯有撤退啦.
rap我就麻麻地喇. 不過呢幾個人跳hip hop. 真係好好睇. 睇到我'we wa 鬼叫'
[youtube=http://www.youtube.com/watch?v=2-Vf_iBSE4Q]
坐reception o個陣. 我見番以前一個programme畢業生. 佢都認得我. 原來佢有份教其中四個F1學生rap. 未正式開始o個陣. 佢地o係我附近練習. 咁我又冇咩做緊. 咪望住佢地lor. 點知, 個老師(即係個畢業生) 叫個四個學生話: "叫姐姐啦". 有3個都好乖. 叫姐姐叫得好大聲. 唯獨是其中一個. 佢咪起對眼, 望住我話: 姐姐? 我覺得似我婆婆多d喎.
我: 咁咪叫我做婆婆lor. 都ok架.
佢: 等我戴番眼鏡先. 我睇得唔清楚
戴完佢就話: 嘩. 原來唔係婆婆呀. 係香港小姐呀.
哈哈哈. 真係俾佢激死. 咁細個就口花花. 都唔知好嬲定好笑. 呢幾年d香港小姐唔靚架bor. ^o^
呢四個細路. 表演完. d人睇得好開心. 佢地就o係度飛吻. 真係笑死我. 佢地好可愛.
其中一個最高既細路(即係ghost style 隔離o個個), 就係口花花o個個喇.
呢個show 氣氛好好. d學生真係好似去睇演唱會咁. 可能加上我地有派d "pond pond 棒"俾佢地啦. 最後大約6:30完場. d人走左. 就一地垃圾. 有漏氣既"pond pond 棒", 飲完既紙包飲品. 睇完既rundown... 我都有份幫手執番d剩餘物資. 真係體會到點解每年新年維園d幫手清潔既人會o係度嘈. 因為真係好多野o係地下.
今次幫手. 好好. 又有錢收. 又有得睇show. 其實佢地真係pay俾我睇show架. haha.
不過當然. 我係有份出力幫手做set up 同清場架. ^o^
留言列表
